Skip to main content

КАИЭЖА Бразилияда өткөн пресс-турга катышты

Кыргыз айыл чарба, илим жана экология журналисттеринин ассоциациясы- КАИЭЖАнын президенти жана башкармалыктын төрагасы Улан Эшматов Айыл чарба журналисттеринин эл аралык федерациясынын (IFAJ) Аткаруу комитетинин орто мөөнөттүү жыйынына, ошондой эле Бразилиянын Сан-Паулу штатында уюштурулган эл аралык пресс-турга катышты.

Пресс-турдун алкагында катышуучулар агроөнөр жай ишканаларына, айыл чарба багытындагы илимий мекемелерге жана агротехнологиялык объекттерге барышып, Бразилиянын өнүккөн айыл чарба тармагы менен жакындан таанышууга мүмкүнчүлүк алышты.

IFAJнын Аткаруу комитетинин жыйыны жана эл аралык пресс-тур Бразилиянын айыл чарба журналисттеринин ассоциациясы – RedeAgrojor тарабынан уюштурулду.

Сан-Паулу, Бразилия. 15-20-март, 2026-жыл.

Сүрөттөр RedeAgrojor тарабынан тартылган.

КАИЭЖАнын өкүлдөрү IFAJнын дүйнөлүк конгрессинде

Кыргыз айыл чарба, илим жана экология журналисттеринин ассоциациясынын башкармалык төрагасы-президенти Улан Эшматов жана кызматташ мүчөсү Нүргүл Малабаева Айыл чарба журналисттеринин эл аралык федерациясынын дүйнөлүк конгрессине катышкан учур.

Бул конгрессте КАИЭЖА IFAJнын мүчөлүгүнө кабыл алынды.

Найроби, Кения. 15-18-октябрь, 2025-жыл.

Кыргыз айыл чарба, илим жана экология журналисттеринин ассоциациясы – КАИЭЖА Башкармалыгынын жыйыны 

Жыйында ассоциацияга жаңы мүчөлөрдү кабыл алуу жана Айыл чарба журналисттеринин Эл аралык федерациясынын (IFAJ) мүчөлүгүнө расмий арыз берүү маселеси каралды. Бишкек, 29-апрель, 2025-жыл.

КАИЭЖА «Дордой – Балыкчы» комбинатынын иши менен таанышты

26-апрелде Кыргыз айыл чарба, илим жана экология журналисттеринин ассоциациясы – КАИЭЖАнын Башкармалык төрагасы-президенти Улан Эшматовду италиялык Rovani компаниясынын заманбап жабдуулары орнотулган бул эт кобминаттын жумушу жана цехтери менен өндүрүш цехтин башчысы Азамат Шаршенбек уулу тааныштырды.

Балыкчы, 26-апрель, 2025.

КАИЭЖА өкүлдөрү “Ак куу” канаттуулар фабрикасына барды

Кыргыз айыл чарба, илим  жана экология журналисттеринин ассоциациясы – КАИЭЖАнын башкармалык төрагасы- президенти Улан Эшматов, башкармалык  мүчөлөрү  Эмилбек  Момунов  жана Заирбек Бактыбаев “Ак куу”  ачык акционердик коомунда бул ишкананын башкы директору, Кыргызстандын  канаттуу  багуучулар ассоциациясынын төрайымы Нүргүл Малабаева жана аталган ишкананын жумушчулары менен жолугуп, бул өндүрүш тармагындагы учурдагы кырдаал боюнча пикир алмашып, маалымат алышты. Сокулук, 21-апрель, 2025-жыл.

Агроөнөржай жана журналистика: Кызматташтык аркылуу айыл чарбаны өнүктүрүү

Кыргыз  айыл чарба, илим жана экология журналисттеринин  ассоциациясынын башкармалык төрагасы-президенти Улан Эшматов  Кыргыз  республикасынын Агроөнөржай комплексин өнүктүрүү ассоциациясынын аткаруучу директору Рустам Балтабаев менен жолугуп, эки тараптуу  кызматташтык маселелерин  талкуулаган учур. 2-апрель, 2025-жыл, Бишкек.

Кыргыз Айыл чарба, Илим жана Экология Журналистеринин Ассоциациясы – КАИЭЖАны уюштуруу жыйыны. 19-март,2025-жыл, Бишкек шаары.